رحلة عذاب مع أطباء وتجار للبشر
من شهرين تقريبا في اول مارس 2015
بداية عملت طقم اسنان وكان عندي الم
وورم اسفل الفك السفلي فقال لي طبيب الاسنان روح انف واذن وحنجرة ورحت لواحد قال
اشك انه يكون سرطان في الغدد اللعابية وعملت تحاليل واشعات ولم تظهر أي اورام ورحت
لطبيب اسنان اخر لاعمل شيك علي الطقم فقال اللي في سن حضرتك لاينفع معهم الاطقم دي
لازم تركب ثابت بكام يادوك .. قال 5 الاف جنية الواحد قلت لة ادفع 75 الف عشان
شوية اسنان حرام وهتحاسب علي كدة شكرا
وقال لي عندي زوج اختي اللي عمل تجميل
لايمن نور ببيروت ويعمل لي حقن وارجع شباب ب 50 الف بس قلت له شكرا شكلي عاجبني
ومبغيرش خلقة ربنا
المهم ذهبت لمشفي مصر الدولي وعملت
اشعات وتحاليل وطلب مني استاذ الصدرية ان اعمل عدة فحوصات لان الاشعة بها تراب
ودخان كتير ولايو جد الحمد لله تليفات او سرطان
فقلت لة كنا بنعمل شقة ابني ومن اثر
قص المايكا وهي نوع من الاحجار فكتب لي علي دواء طارد للبلغم وتنضيف للصدر
وطبيب انف واذن وحنجرة قال لي الاشعة
مفيهاش أي سرطانات دة مجرد التهاب بالغدد اللعابية وعمل تقرحات باللثة واللسان جامد
نتيجة التدخين فلازم تبطل التدخين فورا وامشي ع العلاج دة اسبوع واشوفك
وطلبوا مني مسح ذري علي جسمي كلة من
شعري لصوابع رجلي
وكمان طلبوا مني رنين مغناطيسي شرح
الذري
فرصة يكسبوا من العبد لله ماهي
تجارة رابحة جدا يصطادوا مريض ويلقفوه لبعض
عملت تحاليل دم دلالة اورام وكلي وكبد
وصورة دم كامل واخري بتلات معامل حتي لا اترك فرصة للشك وطلعت التحاليل والحمد لله
سلبية ولاتوجد اورام وكله تمام بفضل الله ومفيش سكر ولا ضغط لدرجة واحد بيقول لي
انت بتتعاطي اعشاب طبيعية ولم ارد غير هذا من فضل ربي لان قلبي ابيض منه مفيش ودي
اهم ميزة والحمد لله وعلاقتي بربي قوبة
ناقص فقط لاغير احجز لطبيب تحصص فقرات
عنقية لان فيها ديسك عند الفقرة الخامسة والسادسة وهي ماتسبب لي الالم المبرح
نصيحة لوجه الله لكل بناتي وابنائي المدخنين
ابوس روسكم بطلوا تدخين لان نهايته
وحشة وشفت شباب وبنات عندهم ماعندي رغم فارق السن الكبير لية؟
لاننا اتربينا في عز واحنا صغار دون
كيماويات بالارض او المياه
وانتم اتربيتم بجو ملوث وكفاية
استنشاقة وكل اكلكم كيماويات ومجمد وغير معروف الهوية وخصوصا الوجبات السريعة
الجاهزة
ربنا يكفيكم تعب الصدر او أي جزء
بالجسم
فكروا في كلامي وقرروا عدم التدخين ونصح
الاخرين
كفاية لما تشوفوا صورة اشعة صدري
عبارة عن صورة سوداء
كفانا الله واياكم من الامراض وعفانا
اللهم اشفي مرضانا واستر عوراتنا
وارحم أمواتنا آمين
واكمل الجديد يوم 16 اغسطس 2015 بعد ان اصبت بالضغط العالي والحمد لله
نصيحه لوجه الله لكل الاحبه في الله
مساء الخيرات بناتي وابنائي الاعزاء المدخنين
الله يكرمكم بطلوا تدخين فورا وشوفوا موضوعي
اليوم وانا بعياده القلب وجدت شباب وبنات اقل من العشرين وعندهم سكر وضغط وفيهم بنوته اموره واسنانها مسوده فبقول لها بتدخني قالت اه بشيش كل يوم ونفس الكلام مع الشباب
ولما دخلت للاستشاري قال لي لما سالته ليه الضغط جالي ؟
قال لي الشعر بيبيض ولو عندك تلاجه لها عمر وكويس انك بالسن ده ومحافظ علي نفسك بس اكيد بتدخن قلت له اه قال لي انا اعرف ناس فوق السبعين لم يدخنوا وصحتهم حلوه
الله يرضي عليكم بطلوا تدخين فورا لان المرض قوي ولا يتحمله اي حد وليه تبقوا مرضي بانفسكم
اللي بيقول اصل السجاير بتريحني وبحبها
اقول له صحتك اهم حبك برص تلاته خرس
وللشباب بطلوا صياعة وسهرات حمرا وزنا لانهم بيقصفوا العمر وبيجيبوا امراض
ولكل ذكر متزوج وبيعك بره خللي بالك هتقع والله فتب الي الله عشان استك وام عيالك اولي بك
اسمعوا الكلام من مجرب
مصيبتي التدخين
حفظنا الله واياكم من شرور انفسنا وسيئات اعمالنا وصحبة السوء وابعد عنا كل من يريد بنا سوءا ومن يبثون افلام ومسلسلات تعلم الاجيال الجديده التدخين والجنس الحرام وقلة الادب والسفاله
اسعدكم ربي
