وصفة مجربة لكل من عندة مشكلة لا قدر الله
وصفة مجربة لكل من سيمتحن او عندة مشكلة لا قدر الله
كلامي موجه للجنسين عشان ماحدش يزعل اني كاتب لفئة معينه فقط.
ان شاء الله اتمني النجاح لكل ممن سيؤدون امتحانات في كافة المراحل الدراسية ...
طبعا مانضحكش علي بعض ..
كلكم لغاية دلوقت مضيعين وقتكم علي النت واللعب والدردشة والشات والالعاب ..
وبتخلوا المذاكرة لاخر وقت وقبل الامتحان بيومين تذاكروا وتبرشموا (ودة حرام حرام ) لان مش معقول واحدة بتذاكر كل يوم ومنسقة وقتها وتيجي واحدة ماذاكرتش وتنجح بالغش ؟
بس دة موضوع مستقل ...
طيب واية العمل ؟
من فضلكم اتركوا كل العك دة وابتدوا اعملوا اللي هاقول لكم علية وانا ماشي علية طول عمري.
ممكن نبقي طبيعيين يعني ننام ليلا عشان الميلاتونين وهو مهم للتركيز والفهم وهو بيشتغل من 11 م الي 3 فجرا ..
ونصحي قبل الفجر بنص ساعة نتوضي ونصلي تهجد ركعتين ركعتين كاننا بنصلي الصبح .
صلي ان شاالله 4 ركعات .. وبعدين نصلي ركعتبن رجاء وطلب من ملك الملوك جل جلاله .
وقبل مانبتدي ندعو الله ان يوفقنا في الامتحانات .. يعني اية الجمع دة لانك لما تقول نجحني يارب انا وكل اللي عندهم امتحانات ستؤمن الملائكة وتقول ولك المثل ..
ودة برضو موضوع مشروح بعنوان الدعاء للمؤمن بظهر الغيب .
واهم حاجة شوفوا انتم بتعملوا اية لما بتكونوا عايزين حاجة من احد الابوين بتقعدوا تتزللوا لغاية ماتاخدوا اللي عايزينة ..
واوعوا تعلوا صوتكم في الدعاء او تغمضوا عنيكم وتقلدوا اللي بيدعوا انهم دعاة والدعوة منهم بريئة لان اليهود هم فقط من يغمضون عيونهم اثناء صلواتهم ودعائهم ..
المهم ان هانقول في بداية أي دعاء ادعوك ربي بكل اسم سميت به نفسك وبحق اسمك الاعظم الذي اذا دعيت بة اجبت ياالله ( 5 مرات ) والحمد لله رب العالمين والصلاة والسلام علي سيدنا محمد صل الله عليه وسلم ..
اللهم ربنا ياملك الملوك انك مجيب دعاء المحتاجين لك وقلت ادعوني استجب لكم وهانحن متوجهين اليك فلا ترنا من علي بابك خائبين آمين
واطلب منه جل جلاله النجاح والتوفيق والتركيز في الفترة القادمة ..
وقول اللي نفسك فية بكل خشوع وذلة وعند اخر الدعاء قل الحمد لله الذي هدانا لهذا وصل الله علي محمد صل الله عليه وسلم ..
وبعدين هايكون جه وقت الفجر والصبح فصليهم ..
وعلي فكرة الدعاء مستجاب بعد انتهاء اذان أي وقت ..
كل لقمة وذاكر لغاية الضحي يعني بعد طلوع الشمس وصلي اقلها 4 ركعات ...
وعلي فكرة التهجد والضحي ينيران القلب والوجه ويخليك تبان اصغر من سنك ..
ويخليكي ابنتي ماتحتاجيش للمكياج عشان تشيلي صفار وشك ..
ونكمل يومنا .. ونكرر كدة علي طول .. وسيبكم بقي من العك .. وركزوا شوية ...
والي كل من ينظم وقته طول العام ..
بارك الله فيكم وزادكم من نعيمه وحقق لكم كل ماتتمنون دنيا واخرة .. آمين
وعلي فكرة لو طبقنا الكلام دة في السراء والضراء يعني يوميا هايكون احسن وكله بحسناته .
لماذا لانتبع قول الله تعالى:
( إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم )
حتى نصبح كما وصفنا سبحانه :( كُنْتُمْ خَيْرَ أمَّةٍ أخْرِجَت للنّاس)
العبد الفقير لرحمة وعفو الله سبحانه /محمد بدر
